Posts
6 - தமிழ் - மூதுரை - மதிப்பீடு - வினா - விடைகள்
வகுப்பு - 6
மூதுரை
மதிப்பீடு:
I. சொல்லும் பொருளும்:
மாசற - குறை இல்லாமல்
சீர்தூக்கின் - ஒப்பிட்டு ஆராய்ந்து
தேசம் - நாடு
II. சரியான விடையைத் தேர்ந்தெடுத்து எழுதுக.
1. மாணவர்கள் நூல்களை.......................கற்கவேண்டும்
அ) மேலோட்டமாக
ஆ) மாசுற
இ) மாசற
ஈ) மயக்கமுற
விடை : இ) மாசற
2. இடமெல்லாம் என்னும் சொல்லைப் பிரித்து எழுதக் கிடைப்பது
அ) இடம் + மெல்லாம்
ஆ) இடம் + எல்லாம்
இ) இட + எல்லாம்
ஈ) இட + மெல்லாம்
விடை : ஆ) இடம் + எல்லாம்
3. மாசற எனும் சொல்லைப் பிரித்து எழுதக் கிடைப்பது
அ) மாச + அற
ஆ) மாசு + அற
இ) மாச + உற
ஈ) மாசு + உற
விடை : ஆ) மாசு+ அற
4. குற்றம் + இல்லாதவர் என்பதனைச் சேர்த்து எழுதக் கிடைக்கும் சொல்
அ) குற்றமில்லாதவர்
ஆ) குற்றம் இல்லாதவர்
இ) குற்றமல்லாதவர்
ஈ) குற்றம் அல்லாதவர்
விடை : அ) குற்றமில்லாதவர்
5. சிறப்பு + உடையார் என்பதனைச் சேர்த்து எழுதக் கிடைக்கும் சொல்
அ) சிறப்புஉடையார்
ஆ) சிறப்புடையார்
இ) சிறப்படையார்
ஈ) சிறப்பிடையார்
விடை : ஆ) சிறப்புடையார்
III. குறுவினா :
1. கற்றவரின் பெருமைகளாக மூதுரை கூறுவன யாவை?
மன்னனையும், குறை இல்லாமல் கற்றவரையும் ஒப்பிட்டு ஆராய்ந்து பார்த்தால், மன்னனைவிடக் கற்றவரே சிறந்தவர், என்றும்
மன்னனுக்குத் தன் நாட்டில் மட்டுமே சிறப்பு, கல்வி கற்றவருக்குச் சென்ற இடங்களில் எல்லாம் சிறப்பு,
என்றும் கற்றவரின் பெருமைகளை மூதுரை கூறுகிறது.
IV. சிறுவினா :
1.கல்வியின் சிறப்பாக நீங்கள் எதனைக் கருதுகிறீர்கள்?
கல்வியின் சிறப்புகளில் சில :
கல்வி மனிதனை முழு மனிதனாக மாற்றுகிறது, உயர்த்துகிறது.
கல்வியும் ஒருவகை செல்வமாகவே கருதப்படுகிறது.
பிறருக்குத் தந்தாலும் குறையாமல், வளரும் தன்மையுடைய ஒன்று கல்வி மட்டுமே.
கல்வியை யாராலும் கொள்ளை கொள்ளவோ, அழிக்கவோ முடியாது.
கல்வியைக் கற்றவன் எங்கு சென்றாலும், எப்போதும் சிறப்பு பெறுவான்.
கல்வி கற்றவரே கண்ணுடையவர்.
V. சிந்தனை வினா :
1. கல்லாதவருக்கு ஏற்படும் இழப்புகளைப் பட்டியலிடுக.
கல்லாதவர் தனது சொத்து, செல்வங்களை பாதுகாக்க கற்றவரை நம்பியே இருக்க வேண்டும், சுயமாகப் பாதுகாக்க முடியாது.
குறைந்தபட்ச கல்வித் தகுதி இல்லயென்றால், இன்றைய சூழ்நிலையில் வாகனங்களை ஓட்டுவதற்கான உரிமம் கூடப் பெற இயலாது.
திறமைகள் இருந்தாலும், கல்லாதவரால் சிறந்த பணிகளில் பணிபுரிய இயலாது. கீழ்நிலைப் பணிகள் மட்டுமே பணிபுரிய முடியும்.
கல்லாதவர்கள், பல சமயங்களில் அடுத்தவரை நம்பியே வாழும் சூழல் உள்ளது.
