Posts
வகுப்பு 6 ப1 இயல் ஒன்று விரிவானம் கனவு பலித்தது வினா-விடைகள்
விரிவானம்
இயல் ஒன்று - கனவு பலித்தது
மதிப்பீடு
1. அத்தையின் கடிதக் கருத்துகளைச் சுருக்கி எழுதுக.
தமிழில் படித்தால் சாதிக்க முடியாது என்பது தவறான எண்ணம். சாதனையாளர்கள் பலரும் தங்கள் தாய்மொழியில் படித்தவர்களே! சாதனைக்கு மொழி ஒரு தடையே இல்லை.
நீண்ட நெடுங்காலமாகவே அறிவியல் சிந்தனைகளோடு விளங்கியவர்கள் தமிழர்கள்.
தமிழ் இலக்கியங்களில் அறிவியல் சிந்தனைகள் பல காணப்படுகின்றன.
நிலம், நீர், நெருப்பு, காற்று, ஆகாயம் என்னும் ஐந்தும் கலந்தது இவ்வுலகம் என்பதுஅறிவியல் உண்மை. தொல்காப்பியர் தமது தொல்காப்பியம் என்னும் நூலில் இக்கருத்தைக் குறிப்பிட்டுள்ளார். மேலும் உலக உயிர்களை ஓரறிவு முதல் ஆறறிவு வரை வகைப்படுத்தியும் உள்ளார்.
கடல் நீர் ஆவியாகி மேகமாகும். பின்னர் மேகம் குளிர்ந்து மழையாகப் பொழியும்.
பழந்தமிழ் இலக்கியங்களான முல்லைப்பாட்டு, பரிபாடல், திருக்குறள், கார்நாற்பது
திருப்பாவை முதலிய நூல்களில் இந்த அறிவியல் செய்தி குறிப்பிடப்பட்டுள்ளது.
திரவப் பொருள்களை எவ்வளவு அழுத்தினாலும் அவற்றின் அளவைச் சுருக்க முடியாதுஎன்ற அறிவியல் கருத்து
ஆழ அமுக்கி முகக்கினும் ஆழ்கடல்நீர்
நாழி முகவாது நால் நாழி
என ஔவையார் பாடலில் கூறப்பட்டுள்ளது.
போர்க்களத்தில் மார்பில் புண்படுவது இயல்பு. வீரர் ஒருவரின் காயத்தை வெண்ணிற ஊசியால் தைத்த செய்தி பதிற்றுப்பத்து என்னும் நூலில் இடம்பெற்றுள்ளது.
சுறாமீன் தாக்கியதால் ஏற்பட்ட புண்ணை, நரம்பினால் தைத்த செய்தியும் நற்றிணைஎன்னும் நூலில் காணப்படுகிறது.
தொலைவில் உள்ள பொருளின் உருவத்தை அருகில் தோன்றச் செய்ய முடியும். அறிவியல் அறிஞர் கலீலியோ நிறுவிய கருத்து இது. இக்கருத்து திருவள்ளுவமாலைஎன்னும் நூலில் கபிலர் எழுதிய பாடலில் இடம்பெற்றுள்ளது.
தற்காலத்தில் அறிவியல் துறையில் மட்டுமின்றி அநைத்துத் துறைகளிலும் தமிழர்கள் கோலோச்சி வருகிறார்கள்.
சாதனையாலர்களின் வாழ்க்கை நிகழ்வுகளை அறிந்து கொள்.
நமது ஊர் நூலகம் உனக்கு மிகவும் உதவியாக இருக்கும்.
நூல் வாசிப்பு உன் சிந்தனைக்கு வளம் சேர்க்கும், அறிவியல் மனப்பன்மை பெருகும்.
தமிழாலும், தமிழராலும் எந்தத் துறையிலும் எதையும் சாதிக்க முடியும்.
தொடர்ந்து முயற்சி செய். நீ வெற்றி பெருவாய்.
