Posts
வகுப்பு7 ப1 அ3 அறிவியல் நம்மைச்சுற்றியுள்ள பருப்பொருள்கள் வினா விடைகள்
அலகு 3
நம்மைச் சுற்றியுள்ள பருப்பொருள்கள்
மதிப்பீடு
I. சரியான விடையைத் தேர்ந்தெடு.
1. கீழ்க்கண்டவற்றுள் உலோகம் எது?
அ. இரும்பு
ஆ. ஆக்சிஜன்
இ. ஹீலியம்
ஈ. தண்ணீர்
விடை: அ. இரும்பு
2. ஆக்சிஜன், ஹைட்ரஜன் மற்றும் சல்பர் ஆகியவை கீழ்க்கண்டவற்றுள் எதற்கான உதாரணம்?
அ. உலோகம்
ஆ. அலோகம்
இ. உலோகப்போலிகள்
ஈ. மந்த வாயுக்கள்
விடை: ஆ. அலோகம்
3. கீழ்க்கண்டவற்றுள் ஒரு தனிமம் மற்றும் சேர்மத்தின் மூலக்கூறைக் குறிக்கக்கூடிய எளிய மற்றும் அறிவியல் பூர்வமான முறை எது?
அ. கணித வாய்ப்பாடு
ஆ. வேதியியல் வாய்ப்பாடு
இ. கணிதக் குறியீடு
ஈ.வேதியியல் குறியீடு
விடை: ஆ. வேதியியல் வாய்ப்பாடு
4. அறைவெப்பநிலையில் திரவமாக உள்ள உலோகம் எது?
அ. குளோரின்
ஆ. சல்பர்
இ. பாதரசம்
ஈ. வெள்ளி
விடை: இ. பாதரசம்
5. எப்பொழுதுமே பளபளப்பான, வளையக்கூடிய, ஒளிரும் தன்மையுள்ள தனிமம் எது?
அ. அலோகம்
ஆ. உலோகம்
இ. உலோகப்போலிகள்
ஈ. வாயுக்கள்
விடை: அ. அலோகம்
II. கோடிட்ட இடங்களை நிரப்புக.
1. ஒரு பருப்பொருளின் தனித்துக் காணப்படக்கூடிய மிகச் சிறிய துகள் ______________ .
விடை: அணு
2. ஒரு கார்பன் அணு மற்றும் இரண்டு ஆக்சிஜன் அணுக்களைக் கொண்ட சேர்மம் ______________ .
விடை: கார்பன் டை ஆக்சைடு
3. ______________மின்சாரத்தைக் கடத்தும் ஒரே அலோகம்.
விடை: கிராபைட்
4. தனிமங்கள் ______________வகையான அணுக்களால் உருவாக்கப்பட்டுள்ளன.
விடை: ஒரே
5. சில தனிமங்களின் ______________ லத்தீன் அல்லது கிரேக்கப் பெயர்களிலிருந்து
பெறப்படுகின்றன.
விடை: குறியீடுகள்
6. இதுவரை அறியப்பட்ட தனிமங்களின் எண்ணிக்கை ______________.
விடை:118
7. தனிமங்கள் தூய பொருள்களின் ______________ வடிவம்.
விடை:
8. தனிமங்களின் பெயரை எழுதும்போது முதல் எழுத்தை எப்போதுமே ______________ எழுத்தால் எழுதவேண்டும்.
விடை: ஆங்கில எழுத்தில் பெரிய
9. மூன்றுக்கும் மேற்பட்ட அணுக்களைக் கொண்ட மூலக்கூறுகளை ______________மூலக்கூறுகள் என்று அழைக்கலாம்.
விடை: பல அணு மூலக்கூறுகள்
10. ______________வளிமண்டலத்தில் அதிகளவு காணப்படும் வாயு.
விடை: நைட்ரஜன்
III. ஒப்புமை தருக.
1. பாதரசம் : அறை வெப்பநிலையில் திரவம் : : ஆக்சிஜன் : ______________.
விடை: அறை வெப்பநிலையில் வாயு
2. மின்சாரத்தைக் கடத்தும் அலோகம் :______________ : : மின்சாரத்தைக்கடத்தும் உலோகம் : தாமிரம்
விடை: கார்பன் (கிராபைட்)
3. தனிமங்கள் : இணைந்து சேர்மங்களை உருவாக்குகின்றன : : சேர்மங்கள்:______________.
விடை: சேர்மங்கள் இணைந்து கலவையை உருவாக்குகின்றன.
4. அணுக்கள் : ஒரு தனிமத்தின் அடிப்படைத் துகள் : : ______________: ஒரு சேர்மத்தின் அடிப்படைத் துகள்.
விடை: தனிமங்கள்
IV. சரியா அல்லது தவறா எனக் கூறுக. தவறான கூற்றைத் திருத்தி எழுதுக.
1. இரண்டு வேறுபட்ட தனிமங்கள் ஒரே விதமான அணுக்களைக் கொண்டிருக்கலாம்.
விடை: தவறு
இரண்டு வேறுபட்ட தனிமங்கள் வெவ்வேறு விதமான அணுக்களைக் கொண்டிருக்கலாம்.
2. தனிமங்கள் மற்றும் சேர்மங்கள் தூய பொருள்களாகும்.
விடை: சரி
3. அணுக்கள் தனித்து இருக்க முடியாது. அவை மூலக்கூறுகள் எனப்படும் குழுக்களாகவே உள்ளன.
விடை: சரி
4. NaCl என்பது ஒரு சோடியம் குளோரைடு மூலக்கூறைக் குறிக்கிறது.
விடை: சரி
5. ஆர்கான் வாயு ஓரணு வாயுவாகும்.
விடை: சரி
V. சுருக்கமாக விடையளி.
1. கீழ்க்காணும் சேர்மங்களின் வேதியியல் வாய்ப்பாட்டையும், அதில் அடங்கியுள்ள
தனிமங்களின் பெயர்களை எழுதவும்.
2. கீழ்க்கண்ட மூலக்கூறுகளைத் தனிமங்கள் மற்றும் சேர்மங்களின் மூலக்கூறுகளாக வகைப்படுத்தவும்.
1. O2 - ஆக்சிஜன் -மூலக்கூறு
2. CO2 - கார்பன்-டை-ஆக்சைடு -சேர்மம்
3. N2 - நைட்ரஜன் -மூலக்கூறு
4. NaCl - சோடியம் குளோரைடு -சேர்மம்
3. ஒரு சேர்மத்தின் வேதியியல் வாய்ப்பாடு என்றால் என்ன? இதன் முக்கியத்துவம் என்ன?
வேதியியல் வாய்ப்பாடு என்பது ஒரு தனிமம் அல்லது சேர்மத்தினைக் குறிக்கக்கூடிய குறியீட்டு முறையாகும்.
வேதியியல் வாய்ப்பாடு என்பது ஒரு பொருளின் ஒரு மூலக்கூறில் உள்ள அணுக்களின் எண்ணிக்கையையும், அணுக்களின் வகைகளையும் நமக்குத் தெரிவிக்கிறது.
4. கீழ்க்காண்பவற்றை தக்க உதாரணத்துடன் வரையறு.
அ. தனிமம் ஆ. சேர்மம் இ. உலோகம் ஈ. அலோகம் உ. உலோகப் போலிகள்
அ. தனிமம்
பருப்பொருளின் எளிமையான வடிவம் தனிமம் என அழைக்கப்படுகிறது.
ஒரு தனிமத்தின் மூலக்கூறுகள் ஒரு குறிப்பிட்ட எண்ணிக்கையில் உள்ள ஒரேவகையான அணுக்களைக் கொண்டிருக்கின்றன.
உதாரணம்: ஹைட்ரஜன், ஆக்சிஜன், நைட்ரஜன்
ஆ. சேர்மம்
இரண்டு அல்லது அதற்கு மேற்பட்ட தனிமங்களின் அணுக்கள் ஒரு குறிப்பிட்ட விகிதத்தில் வேதிப் பிணைப்பின் மூலம் இணைந்து கிடைக்கும் தூயபொருள் சேர்மம் ஆகும்.
உதாரணம்: ஹைட்ரஜன் மற்றும் ஆக்சிஜன் ஆகிய தனிமங்களின் அணுக்கள் ஒரு குறிப்பிட்ட விகிதத்தில் இணைந்து நீர் என்ற சேர்மத்தினை உருவாக்குகின்றன
இ. உலோகம்
தகடாக அல்லது பல்வேறு வடிவங்களில் மாற்றப்படத்தக்க வகையில் அமைந்துள்ள பொருள்களே உலோகங்கள் என அழைக்கப்படுகின்றன.
பொதுவாக உலோகங்கள் கடினமானவை மற்றும் பளபளப்பானவை.
உதாரணம்: தாமிரம், காரீயம், டின், நிக்கல், இரும்பு.
ஈ. அலோகம்
பொதுவாக அலோகங்கள் பளபளப்பற்ற, மிருதுவான தனிமங்கள் ஆகும்.
அலோகங்கள் வெப்பம் மற்றும் மின்சாரத்தை அரிதாகக் கடத்தக்கூடியவை.
உதாரணம்: கார்பன், அயோடின், சல்பர் மற்றும் பாஸ்பரஸ்.
உ. உலோகப் போலிகள்
உலோகங்கள் மற்றும் அலோகங்களின் பண்புகளை வெளிப்படுத்தும் தனிமங்கள் உலோகப்போலிகள் எனப்படுகின்றன.
உதாரணம்:சிலிக்கன், ஆர்சனிக், ஆன்டிமணி மற்றும் போரான
5. கீழ்க்காணும் தனிமங்களின் குறியீடுகளை எழுதி அவற்றை திண்மம், திரவம் மற்றும் வாயு அடிப்படையில் வகைப்படுத்தவும்.
அலுமினியம், கார்பன், குளோரின், பாதரசம், ஹைட்ரஜன் மற்றும் ஹீலியம்.
6. கீழ்க்காணும் தனிமங்களை உலோகம், அலோகம் மற்றும் உலோகப் போலிகள் என வகைப்படுத்துக.
சோடியம், பிஸ்மத், வெள்ளி, நைட்ரஜன், சிலிக்கான், கார்பன், குளோரின், இரும்பு மற்றும் தாமிரம்.
7. கீழ்க்காண்பவற்றை தனிமங்கள் மற்றும் சேர்மங்கள் என வகைப்படுத்துக.
தண்ணீர், சாதாரண உப்பு, சர்க்கரை, கார்பன் டை ஆக்சைடு, அயோடின் மற்றும் அலுமினியம்.
8. கீழ்க்காணும் தனிமங்களின் வேதியியல் குறியீட்டை எழுதுக.
அ. ஹைட்ரஜன் ஆ. நைட்ரஜன் இ. ஓசோன் ஈ. சல்பர்
9. தனிமங்கள் என்றால் என்ன? அவை எவற்றால் ஆனவை? இரண்டு உதாரணம் தருக.
பருப்பொருளின் எளிமையான வடிவம் தனிமம் என அழைக்கப்படுகிறது.
ஒரு தனிமத்தின் மூலக்கூறுகள் ஒரு குறிப்பிட்ட எண்ணிக்கையில் உள்ள ஒரேவகையான அணுக்களைக் கொண்டிருக்கின்றன.
உதாரணம்: ஹைட்ரஜன், நைட்ரஜன், ஆக்சிஜன்
10. மூலக்கூறு - வரையறு.
ஒரு அணுவானது மற்றொரு அணு அல்லது அணுக்களுடன் இணைந்து உருவாக்கும் கூட்டுப் பொருள் மூலக்கூறு என அழைக்கப்படுகிறது.
இரண்டு அல்லது அதற்கு மேற்பட்ட அணுக்கள் வேதிப்பிணைப்பினால் இணைவதால் மூலக்கூறு உருவாகிறது.
11. சேர்மங்கள் என்றால் என்ன? இரண்டு உதாரணங்கள் தருக.
இரண்டு அல்லது அதற்கு மேற்பட்ட தனிமங்களின் அணுக்கள் ஒரு குறிப்பிட்ட விகிதத்தில் வேதிப் பிணைப்பின் மூலம் இணைந்து கிடைக்கும் தூயபொருள் சேர்மம் ஆகும்.
12. லத்தீன் மொழியிலிருந்து பெறப்பட்ட தனிமங்களின் பெயர்களை எழுதுக.
13. ஒரு தனிமத்தின் அணுக்கட்டு எண் என்றால் என்ன?
வேதியியலில் அணுக்கட்டு எண் என்பது ஒரு தனிமம், சேர்மம் அல்லது பொருளில் அடங்கியுள்ள ஒட்டுமொத்த அணுக்களின் எண்ணிக்கையைக் குறிக்கிறது.
உதாரணம்:
ஆக்சிஜன் ஒரு ஈரணு மூலக்கூறாகும். அதாவது, ஒரு ஆக்சிஜன் மூலக்கூறில் இரண்டு ஆக்சிஜன் அணுக்கள் உள்ளன. எனவே, ஆக்சிஜனின் அணுக்கட்டு எண் 2 ஆகும்.
14. கந்தக அமிலத்தின் (H2SO4) அணுக்கட்டு எண்ணைக் கணக்கிடுக.
கந்தக அமிலத்தின் மூலக்கூறு வாய்ப்பாடு = H2SO4
H2SO4 -ல் உள்ள ஹைட்ரஜன் அணுக்கள் = இரண்டு-2
H2SO4 -ல் உள்ள சல்பர் அணு = ஒன்று-1
H2SO4 -ல் உள்ள ஆக்சிஜன் அணுக்கள் = நான்கு-4
இவற்றைக் கூட்டுவதன் மூலம் கிடைப்பது = 2 + 1 + 4 = 7
கந்தக அமிலத்தின் அணுக்கட்டு எண் = 7
VI. விரிவாக விடையளி.
1. உலோகங்கள் மற்றும் அலோகங்களை வேறுபடுத்துக.
2. சேர்மங்களின் பண்புகளை விவரிக்கவும்.
இரண்டு அல்லது அதற்கு மேற்பட்ட தனிமங்களின் அணுக்கள் ஒரு குறிப்பிட்ட விகிதத்தில் வேதிப் பிணைப்பின் மூலம் இணைந்து கிடைக்கும் தூயபொருள் சேர்மம் ஆகும்.
ஒரு சேர்மத்தின் பண்புகள் அதனை உருவாக்கிய தனிமங்களின் பண்புகளிலிருந்து முற்றிலும் மாறுபடுகின்றன.
சேர்மங்களை இயற்பியல் முறையில் பிரிக்க இயலாது. ஏனெனில், இவை வேதிப் பிணைப்பினால் இணைக்கப்பட்டுள்ள வெவ்வேறு தனிமங்களைக் கொண்டுள்ளன.
சோடியம் குளோரைடை வடிகட்டுதல் போன்ற இயற்பியல் முறையால் பிரிக்க இயலாது.
சேர்மங்களை வேதியியல் முறையில் மட்டுமே அவற்றின் கூறுகளாகப் பிரிக்க இயலும்.
3. தனிமங்களின் குறியீடுகளை எழுதக்கூடிய பல்வேறு வழிமுறைகளை விவரி. பொருத்தமான உதாரணம் தருக.
ஒரு தனிமத்தின் குறியீடு என்பது அத்தனிமத்தினைச் சுருக்கமாகக் குறிப்பிடக்கூடிய முறையாகும்.
ஒவ்வொரு தனிமமும் தனிப்பட்ட குறியீட்டைக் கொண்டுள்ளது. இக்குறியீடு அத்தனிமத்தின் ஒரு அணுவினைக் குறிக்கிறது.
குறியீடுகள் பொதுவாக தனிமத்தின் பெயர்களிலிருந்து பெறப்படுகின்றன. இவை ஆங்கிலம் அல்லது இலத்தீன் மொழிப் பெயர்களாக உள்ளன.
பெரும்பாலான தனிமங்களின் குறியீடுகள் அவற்றின் ஆங்கிலப் பெயரின் முதல் எழுத்து கொண்டு குறிக்கப்படுகின்றன.
உதாரணமாக, ஆக்சிஜனின் குறியீடு O எனவும், ஹைட்ரஜனின் குறியீடு H எனவும் குறிக்கப்படுகின்றது.
சில தனிமங்களின் குறியீடுகள் அவற்றின் லத்தீன் மொழிப்பெயர்களாக உள்ளன.
உதாரணம்: தங்கத்தின் லத்தீன் மொழிப்பெயர் ஆரம்Aurum- குறியீடு Au
4. தனிமங்கள் மற்றும் சேர்மங்கள் வேறுபடுத்துக
5. சேர்மங்களின் பண்புகளுள் ஏதேனும் ஐந்தை எழுதுக.
கேள்வி மீண்டும் கேட்கப்பட்டுள்ளது. இந்தக் கேள்விக்கான விடைக்கு வினா எண் VI- 2ஐ பார்க்கவும்.
6. உலோகம் மற்றும் அலோகத்தின் பண்புகளை ஒப்பிட்டு, ஒவ்வொன்றிற்கும் மூன்று உதாரணங்கள் தருக.
கேள்வி மீண்டும் கேட்கப்பட்டுள்ளது. இந்தக் கேள்விக்கான விடைக்கு வினா எண் VI- 1ஐ பார்க்கவும்.
7. உலோகப் போலிகளின் பண்புகளை எழுதவும்.
உலோகங்கள் மற்றும் அலோகங்களின் பண்புகளை வெளிப்படுத்தும் தனிமங்கள் உலோகப்போலிகள் எனப்படுகின்றன.
உலோகப்போலிகள் பொதுவாக பளபளப்பானவை
உலோகப்போலிகள் உலோகங்களை விட மின்சாரத்தை குறைவாகக் கடத்தும்.
உலோகப்போலிகள் பொதுவாக அலோகங்களின் வேதிப்பண்புகளைக் கொண்டிருக்கும்.
உதாரணம்: சிலிக்கன், ஆர்சனிக், ஆன்டிமணி மற்றும் போரான்
VII. கீழே கொடுக்கப்பட்டுள்ள வாக்கியத்தை சரியான வடிவத்தில் எழுதவும்.
1. தனிமங்கள் ஒன்று அல்லது அதற்கு மேற்பட்ட அணுக்களைக் கொண்டவை, சேர்மங்கள் ஒரே வகையான அணுக்களை மட்டும் கொண்டவை.
தனிமங்கள் ஒரே வகையான அணுக்களை மட்டும் கொண்டவை, சேர்மங்கள் ஒன்று அல்லது அதற்கு மேற்பட்ட அணுக்களைக் கொண்டவை.
VIII. உயர் சிந்தனை வினாக்கள்.
1. உனது வீடு மற்றும் பள்ளியில் நீ பயன்படுத்தக்கூடிய உலோகம், அலோகம் மற்றும் உலோகப்போலிகளைப் பட்டியலிடவும். அவற்றின் பண்புகளை ஒப்பிடவும்.
2. ஆகாஷ் பகல் நேரங்களில் அவனுடைய வீட்டின் நுழைவு வாயிலில் உள்ள உலோகத் தாழ்ப்பாளைத் திறப்பதற்கு சிரமமாக உள்ளது என்பதைக் கவனித்தான். ஆனால், அதே தாழ்ப்பாளை இரவு நேரங்களில் திறக்க எளிமையாக உள்ளது என்பதையும் கவனித்தான். தாழ்ப்பாளும், நுழைவுவாயிலும் பகல் நேரத்தில் வெயிலில் இருப்பதை ஆகாஷ் உற்றுநோக்கினான்.
அ. வழங்கப்பட்ட தகவல்களின் அடிப்படையில் ஒரு கருதுகோளை உருவாக்கு.
ஆ. நீங்கள் கூறும் கருதுகோளை எவ்வாறு சோதிக்கலாம் என்பதை சுருக்கமாகக் கூறுக.
விடை:
பருப்பொருள்கள் வெப்பப்படுத்தும் பொழுது விரிவடைவதால் அதன் பருமன் அதிகரிக்கிறது. பருப்பொருள்கள் குளிர்ச்சியடையும் பொழுது அவை விரிவடையாததால் பருமனில் மாற்றம் ஏற்படுவதில்லை.
உலோகத்தாழ்ப்பாளில் உள்ள பருப்பொருள்கள் வெயில் காலத்தில் விரிவடைவதால் அது திறப்பதற்கு சிரமமாகவும், பகல் நேரத்தில் விரிவடைந்த பருப்பொருள்கள் இரவு நேரங்களில் சுருங்குவதால் தாழ்ப்பாள் இரவு நேரத்தில் எளிதாக இருப்பதையும் நாம் உதாரணமாகக் கொள்ளலாம்.
3. வெப்பப்படுத்தும்போது துகள்களிள் இயக்கம் மற்றும் அமைப்பில் எவ்வாறு மாற்றங்கள் நிகழ்கின்றன என்பதை விவரிக்கவும்.
ஒரு பொருளை வெப்பப்படுத்தும் பொழுது, அதன் உள்ளே உள்ள பருப்பொருள்களின் இயக்கம் அதிகரிக்கிறது.
ஆற்றல் அதிகரிப்பதால் அதன் பருமனும் அதிகரிக்கிறது.
வெப்பப்படுத்தும் பொழுது துகள்கள் விரிவடையத்துவங்குவதால் அவற்றிற்கிடையேயான இடைவெளி அதிகரிக்கிறது.
வெப்பப்படுத்தும்பொழுதும், விரிவடையும் பொழுதும் துகள்களின் அளவில் மாற்றம் ஏற்படுவதில்லை.
4. கீழே கொடுக்கப்பட்டுள்ள படத்தில் வட்டம், சதுரம், முக்கோணம் போன்றவை வெவ்வேறு தனிமத்தின் அணுக்களைக் குறிக்கின்றன. மேலே கொடுக்கப்பட்டுள்ள படத்திலிருந்து, கீழ்க்கண்டவற்றைக் கண்டுபிடிக்கவும்.
a) சேர்மங்களின் மூலக்கூறுகள்.
b) இரண்டு அணுக்களைக் கொண்டதனிமங்களின் மூலக்கூறுகள்.
c) மூன்று அணுக்களைக் கொண்ட தனிமங்களின் மூலக்கூறுகள்.
a.
b.
c.
IX. கீழ்க்காணும் கூற்றுக்களை ஆராய்ந்து, சரியான ஒன்றைத் தேர்வு செய்க.
அ. கூற்று மற்றும் காரணம் இரண்டும் சரி. காரணம் கூற்றிற்கான சரியான விளக்கம்.
ஆ. கூற்று மற்றும் காரணம் இரண்டும் சரி. ஆனால், காரணம் கூற்றிற்கான சரியான விளக்கமல்ல.
இ. கூற்று சரி. ஆனால், காரணம் தவறு.
ஈ. கூற்று தவறு. ஆனால், காரணம் சரி.
1. கூற்று: ஆக்சிஜன் ஒரு சேர்மம்.
காரணம்: ஆக்சிஜனை எளிய வகையில் உடைக்க முடியாது.
விடை: ஈ. கூற்று தவறு. ஆனால், காரணம் சரி.
2. கூற்று: ஹைட்ரஜன் ஒரு தனிமம்.
காரணம்: ஹைட்ரஜனை எளிய வகையில் உடைக்க முடியாது.
விடை: ஆ. கூற்று மற்றும் காரணம் இரண்டும் சரி. ஆனால், காரணம் கூற்றிற்கான சரியான விளக்கமல்ல.
3. கூற்று: காற்று ஒரு சேர்மம் ஆகும்.
காரணம்: காற்றில் கரியமில வாயு உள்ளது.
விடை: ஈ. கூற்று தவறு. ஆனால், காரணம் சரி.
4. கூற்று: காற்று தனிமங்களின் கலவை.
காரணம்: நைட்ரஜன், ஆக்சிஜன் மற்றும் நியான் போன்றவை காற்றில் உள்ளன.
விடை: கூற்று தவறு.
காரணம் கூற்றிற்கான முழுவிளக்கம் அல்ல
5. கூற்று: பாதரசம் அறை வெப்பநிலையில் ஒரு திண்மம்.
காரணம்: பாதரசம் ஒரு அலோகம்.
விடை: இரண்டு கூற்றுகளும் தவறானது.
