Posts
வகுப்பு7 ப2 பா3 நம்மைச் சுற்றி நிகழும் மாற்றங்கள்
அலகு 3
நம்மைச்சுற்றி நிகழும் மாற்றங்கள்
மதிப்பீடு
I. சரியான விடையைத் தேர்ந்தெடுக்கவும்
1. கம்பளி நூலினைக் கொண்டு ஸ்வெட்டர் தயாரிக்கப்பட்டால், அம்மாற்றத்தினை ____________ ஆக வகைப்படுத்தலாம்.
அ. இயற்பியல் மாற்றம்
ஆ. வேதியியல் மாற்றம்
இ. வெப்பம் கொள் மாற்றம்
ஈ. வெப்ப உமிழ் மாற்றம்
விடை: அ. இயற்பியல் மாற்றம்
2. பின்வருவனவற்றுள் ____________ வெப்பம் கொள் மாற்றங்களாகும்.
அ. குளிர்வடைதல் மற்றும் உருகுதல்
ஆ. குளிர்வடைதல் மற்றும் உறைதல்
இ. ஆவியாதல் மற்றும் உருகுதல்
ஈ. ஆவியாதல் மற்றும் உறைதல்
விடை: இ. ஆவியாதல் மற்றும் உருகுதல்
3. கீ ழ்கண்வற்றில் ____________ வேதியியல் மாற்றமாகும்.
அ. நீர் மேகங்களாவது
ஆ. ஒரு மரத்தின் வளர்ச்சி
இ. பசுஞ்சாணம் உயிர் – எரிவாயுவாவது
ஈ. பனிக்கூழ் கரைந்த நிலை - பனிக்கூழாவது
விடை: இ. பசுஞ்சாணம் உயிர் – எரிவாயுவாவது
4. ____________ என்பது கால – ஒழுங்கு மாற்றத்திற்கு ஒரு எடுத்துக்காட்டாகும்.
அ. பூகம்பம்
ஆ. வானில் வானவில் தோன்றுவது
இ. கடலில் அலைகள் தோன்றுவது
ஈ. மழை பொழிவு
விடை: இ. கடலில் அலைகள் தோன்றுவது
5. ____________ வேதிமாற்றம் அல்ல.
அ. அம்மோனியா நீரில் கரைவது
ஆ. கார்பன் – டை – ஆக்ஸைடு நீரில் கரைவது
இ. உலர் பனிக்கட்டி நீரில் கரைவது
ஈ. துருவப் பனிக்குமிழ்கள் உருகுவது
விடை: ஈ. துருவப் பனிக்குமிழ்கள் உருகுவது
II கோடிட்ட இடங்களை நிரப்புக
1. ஒரு பலூனினுள் வெப்பக் காற்றினை அடைப்பது ____________ மாற்றமாகும்.
விடை: இயற்பியல்
2. தங்க நாணத்தினை ஒரு மோதிரமாக மாற்றுவது ____________ மாற்றமாகும்.
விடை: இயற்பியல்
3. ஒரு காஸ் சிலிண்டரின் திருகினை திருப்புவதன் மூலம் ____________எரிபொருள் ____________ எரிபொருளாக மாறும். இது ____________ மாற்றத்திற்கு எடுத்துக்காட்டாகும்.
விடை: திரவ, வாயு, இயற்பியல்
4. உணவு கெட்டுப்போதல் என்பது ____________ மாற்றமாகும்.
விடை: வேதியியல்
5. சுவாசம் என்பது ____________ மாற்றமாகும்.
விடை: வேதியியல்
III. சரியா?தவறா? தவறெனில், சரியான விடையினைக் கூறவும்
1. ஒரு துணியினை வெட்டுதல் என்பது கால – ஒழுங்கு மாற்றத்திற்கு ஒரு எடுத்துக்காட்டாகும்.
விடை: ஒரு துணியினை வெட்டுதல் என்பது இயற்பியல் மாற்றத்திற்கு ஒரு எடுத்துக்காட்டாகும்.
2. ஒரு குவளை நீரினை எடுத்து அதனை குளிர்சாதனப் பெட்டியின்அதிகுளிர் பகுதியில் வைத்து குளிர்விப்பது ஒரு வேதியியல் மாற்றமாகும்.
விடை: ஒரு குவளை நீரினை எடுத்து அதனை குளிர்சாதனப் பெட்டியின்அதிகுளிர் பகுதியில் வைத்து குளிர்விப்பது ஒரு இயற்பியல் மாற்றமாகும்.
3. ஒரு அவரைத் தாவரம் சூரிய ஒளியினைப் பெற்று, அவரை விதைகளாக மாறுவது ஒரு இயற்பியல் மற்றும் கால – ஒழுங்கற்ற மாற்றமாகும்.
விடை: ஒரு அவரைத் தாவரம் சூரிய ஒளியினைப் பெற்று, அவரை விதைகளாக மாறுவது ஒரு வேதியியல் மற்றும் கால – ஒழுங்கற்ற மாற்றமாகும்.
4. ஒரு பொருளின் வேதியியல் பண்புகள் மாறாமல் இருந்து, அதன் நிலை அல்லது வடிவம் மாறுபட்டிருந்தால், அது கால ஒழுங்கு மாற்றமாகும்.
விடை: ஒரு பொருளின் வேதியியல் பண்புகள் மாறாமல் இருந்து, அதன் நிலை அல்லது வடிவம் மாறுபட்டிருந்தால், அது இயற்பியல் மாற்றமாகும்.
5. வெள்ளி நகையின் நிறம் மங்குதல் என்ற நிகழ்வு வெப்ப ஏற்பு மாற்றமாகும்.
விடை: வெள்ளி நகையின் நிறம் மங்குதல் என்ற நிகழ்வு வேதியியல் மாற்றமாகும்.
IV கீழ்க்காண்பவற்றை பொருத்துக.
V. பின்வரும் மாற்றங்களை இயற்பியல் மற்றும் வேதியியல் மாற்றங்களாக வகைப்படுத்துக.
சொரப்பான மரக்கட்டையினை மணலிட்டு தேய்த்து வழுவழுப்பாக்குவது, இரும்பு ஆணி துருப்பிடித்தல் இரும்பு கதவில் பெயிண்ட்டில் பூசுவது, ஒரு காகித கிளிப்பினை வளைப்பது, வெள்ளியை தட்டாக மாற்றுவது, சப்பாத்தி மாவை உருட்டி மெலிதாக்குவது, இரவு- பகல் மாற்றம், எரிமலை வெடிப்பது, தீக்குச்சி எரிவது, மாவிலிருந்து தோசை தயாரிப்பது, கண் இமை சிமிட்டுதல், இடி முழக்கம் தோன்றுவது, புவியின் சுழற்சி, கிரகணங்கள் தோன்றுதல்.
விடை:
VI. ஒப்புமை தருக
1. இயற்பியல் மாற்றம் : கொதித்தல் :: வேதியியல் மாற்றம் : _________
விடை: எரிதல்
2. மரக்கட்டையிலிருந்து மரத்தூள் : ________ : : மரக்கட்டையிலிருந்து சாம்பல் : வேதியியல் மாற்றம்.
விடை: இயற்பியல் மாற்றம்
3. காட்டுத்தீ : ________ மாற்றம் : : ஒரு பள்ளியில் பாட வேளை மாறுபாடு : கால ஒழுங்கு மாற்றம்.
விடை: காலஒழுங்கற்ற மாற்றம்
VII. மிகக் குறுகிய வகை வினா
1. கால ஒழுங்கு மாற்றங்களுக்கு இரு எடுத்துக்காட்டுகள் தருக.
பருவகால மாற்றங்கள், கடிகார முள்ளின் ஓட்டம்
2. இரு வெப்ப உமிழ் வினைகளைக் குறிப்பிடுக.
மெக்னீசிய நாடா எரிதல், மெழுகுவர்த்தி எரிதல்
3. குளிர்ந்த பாலினை வெப்பப்படுத்தினால் அது சூடாகிறது. இது எந்த வகையான மாற்றம்?
மீள் மற்றும் இயற்பியல் மாற்றம்.
4. செயற்கை முறையில் பழத்தினை பழுக்க வைத்தல் எந்த வகை மாற்றமாகும்?
மீளா மற்றும் வேதியியல் மாற்றம்
5. ஒரு காகிதத்தை வண்ணமடித்தல் எவ்வகை மாற்றமாகும்?
இயற்பியல்
6. இதயத்துடிப்பு கால ஒழுங்கு மாற்றமாகும். ஏன்?
ஏனெனில், இது குறிப்பிட்ட கால இடைவெளியில் மீண்டும் மீண்டும் நிகழ்கிறது.
7. ஒரு பனிக்கட்டி உருகும்பொழுது எந்த மாதிரியான ஆற்றல் மாற்றங்கள்
நிகழ்கின்றன?
இயற்பியல் மாற்றம்
வெப்பம் கொள் வினை
VIII. குறுகிய விடையளி / சிறு வினா
1. இயற்பியல் மற்றும் வேதியியல் மாற்றங்கள் வேறுபடுத்துக.
2. ஒரு பொருளில் மாற்றம் எவ்வாறு ஏற்படுகிறது?
அழுத்தம் கொடுத்தல், வெப்பப்படுத்துதல் போன்ற காரணங்களினாலோ அல்லது வேறு காரணங்களினாலோ ஒரு பொருளில் அமைந்துள்ள துகள்களின் அமைப்பு மாறுபடுவதாலும் பொருள்களில் மாற்றங்கள் ஏற்படுகின்றன.
3. கடல் நீரில் இருந்து நீரைப் பெறும் முறை ஒன்றினை உம்மால் கூற முடியுமா?
சவ்வூடு பரவல் முறையில் கடல் நீரில் இருந்து நீரைப் பெற முடியும்.
4. சூரியக் கிரகணம் கால ஒழுங்கு மாற்றமா? காரணம் தருக.
சூரிய கிரகணம் கால ஒழுங்கு மாற்றம் ஆகும், ஏனெனில், இது குறிப்பிட்ட கால இடைவெளியில் நிகழ்கிறது.
5. சர்க்கரைக் கரைதல் மற்றும் சர்க்கரைஎரிதல் – இரண்டிற்கும் இடையே உள்ள வேறுபாடு யாது?
சர்க்கரை கரைதல் ஒரு இயற்பியல் மாற்றமாகும்.
சர்க்கரை எரிதல் ஒரு வேதியியல் மாற்றமாகும்.
IX. நெடுவினா
1. உணவு செரித்தல் ஒரு வேதியியல் மாற்றம் – இவ்வாக்கியத்தினை விளக்கவும்.
செரித்தல் நிகழ்வு செரிமான மண்டலத்தின் மூலமாக நடைபெறுகிறது.
செரிமான மண்டலம் என்பது வாய்,உணவுக்குழல், இரைப்பை, சிறுகுடல், பெருங்குடல் மற்றும் மலப்புழை ஆகியவற்றால் ஆனது.
நாம் உணவை வாய் வழியாக உட்கொள்கிறோம்.
வாய்க்குழியினுள் பற்கள், நாக்கு மற்றும் உமிழ்நீர்ச்சுரப்பிகள் போன்றவை உள்ளன.
பற்களால் சிறுதுண்டுகளாக்கி அரைக்கப்பட்ட உணவானது உமிழ் நீரின் ஈரத்தால் விழுங்கப்படுகிறது.
உணவுக்குழாய் மூலம் இரைப்பையைச் சென்றடையும் உணவானது, இங்கு சுரக்கும் இரைப்பை நீர் முலம் மேலும் செரிக்கப்பட்டு கூழ்மமாக மாறுகிறது.
செரித்தலின் முடிவில், கார்போஹைட் ரேட்டுகள் சிதைந்து குளுக்கோஸாகவும், புரதங்கள் சிதைந்து அமினோ அமிலங்களாகவும், கொழுப்புகள் சிதைந்து கொழுப்பு அமிலங்களாகவும் மாறுகின்றன.
உணவுப்பொருள்கள் சிதைந்து வெவ்வேறு புதிய பொருள்கள் உருவாவதால், செரித்தல் ஒரு வேதியியல் மாற்றம் ஆகும்.
மேலும் செரித்தல் என்பது நிரந்தர மாற்றம் மற்றும் மீளா மாற்றமாகும்.
2. மண் வெட்ட பயன்படும் உபகரணங்களில் இரும்புப் பகுதியுடன் மரக்கைப்பிடி எவ்வாறு பொருத்தப்படுகிறது?
இரும்பு ஒரு உலோகமாகும். பொதுவாக இரும்பானது சூடுபடுத்தப்படும்பொழுது விரிவடையவும், குளிர்விக்கப்படும்பொழுது சுருங்கும் தன்மையும் உடையது.
மண்வெட்டியில் பொருத்தப்படும் இரும்புப்பகுதியானது முதலில் சூடுபடுத்தப்படும்.
சூடுபடுத்தப்படுவதால் விரிவடைந்த வட்ட வடிவப்பகுதியானது, இரும்பு சூடாக இருக்கும்பொழுதே மரக்கைப்பிடியில் தேவையான இடத்தில் நுழைத்து பொருத்தப்படும்.
இரும்புப்பகுதி பொருத்தப்பட்ட பின், கைப்பிடியுடன் பொருத்தப்பட்ட இரும்புப்பகுதி குளிர்விக்கப்படும் பொழுது இரும்பானது தளர்ந்து மரக்கைப்பிடியுடன் வலுவாக பொருந்திவிடுகிறது.
இவ்வாறாக மண் வெட்ட பயன்படும் உபகரணங்களில் இரும்புப் பகுதியுடன் மரக்கைப்பிடி பொருத்தப்படுகிறது.
X. உயர் சிந்தனைத் திறன் வினாக்கள்
1.. உரித்த வாழைப்பழமும், உரிக்காத வாழைப்பழமும் பார்ப்பதற்கு வேறு வேறாகத் தெரிகிறது. இதிலிருந்து வாழைப்பழம் உரிப்பது வேதியியல் மாற்றம் என்று கூற இயலுமா?
இல்லை. கூற இயலாது.
வாழைப்பழம் உரிப்பது வேதியியல் மாற்றம் அல்ல, இது ஒரு இயற்பியல் மாற்றம் ஆகும்.
ஏனெனில்,இங்கு புதிய பொருள் உருவாகவில்லை, மேலும் வாழைப்பழத்தின் பண்பிலும் எவ்வித மாற்றமும் ஏற்படவில்லை.
2. மிகச் சூடான கண்ணாடி ஒன்று குளிர்ந்த நீரில் போட்டவுடன் விரிசல் அடைகிறது. இம்மாற்றம் எதை உணர்த்துகிறது?
இந்த மாற்றம் இயற்பியல் மாற்றம் ஆகும்.
சூடான கண்ணாடியானது குளிர்ந்த நீரில் போடப்படும் பொழுது, கண்ணாடியின் ஒருபுறம் குளிச்சியால் சுருங்கவும், மற்றொரு புறம் வெப்பத்தால் விரிவடைந்தும் காணப்படுவதால் விரிசலடைகிறது.
கண்ணாடியின் இயைபில் மாற்றம் ஏற்படுவதில்லை. எனவே, இது ஒரு இயற்பியல் மற்றும் மீளா மாற்றம் ஆகும்.
3. நீர் கொதித்தல் ஒரு இயற்பியல் மாற்றம், முட்டை வேகவைத்தல் ஒரு வேதியியல் மாற்றம். ஏன்?
நீர் கொதித்தல்
நீர் கொதித்து நீராவியாக மாறுகிறது. இது ஒரு நிலை மாற்றம் ஆகும்
புதிய பொருள் உருவாகவில்லை.
நீரின் பண்பில் மாற்றம் ஏற்படவில்லை
நீர் கொதித்து நீராவியாக மாற்றமடைவது மீள் தன்மையுடைய தற்காலிக மாற்றம் மற்றும் இயற்பியல் மாற்றம் ஆகும்.
முட்டை வேகவைத்தல்
முட்டையானது வேகவைக்கப்படும் பொழுது, முட்டையில் உள்ள பொருள்களின் பண்பில் மாற்றம் ஏற்படுகிறது.
புதிய பொருள்கள் உருவாகின்றன.
முட்டை வேகவைத்தல் என்பது மீளாத் தன்மையுடைய நிரந்தர மாற்றம் மற்றும் வேதியியல் மாற்றம் ஆகும்.
XI. வலியுறுத்தல் – காரணம் வகை வினா
1. கூற்று : பட்டாசு வெடித்தல் ஒரு இயற்பியல் மாற்றம்.
காரணம் : இயற்பியல் மாற்றம் ஒரு மீள் மாற்றமாகும்.
அ. கூற்று மற்றும் காரணம் இரண்டும் சரி, மேலும் காரணம் கூற்றுக்கு சரியான விளக்கமாகும்.
ஆ. கூற்று மற்றும் காரணம் இரண்டும் சரி,
ஆனால் கூற்று காரணத்திற்கு சரியான விளக்கம் அல்ல
இ. கூற்று சரி, ஆனால் காரணம் தவறு
ஈ. கூற்று தவறு, ஆனால் காரணம் சரி
விடை:ஈ. கூற்று தவறு, ஆனால் காரணம் சரி
2. கூற்று : திரவ நிலை நீர் வெப்பப்படுத்துவதால் அதன் வாயு நிலைக்கு மாறுவது கொதித்தல் எனப்படும்.
காரணம் : நீராவி குளிர்வடைந்து நீராக மாறுவது குளிர்வித்தல் எனப்படும்.
அ. கூற்று மற்றும் காரணம் சரி , மேலும் காரணம்
கூற்றுக்கு சரியான விளக்கமாகும்.
ஆ. கூற்று மற்றும் காரணம் இரண்டும் சரி, ஆனால் காரணம் கூற்றுக்கு சரியான விளக்கம் அல்ல.
இ. கூற்று சரி , ஆனால் காரணம் தவறு
ஈ. கூற்று தவறு, ஆனால் காரணம் சரி.
விடை: ஆ. கூற்று மற்றும் காரணம் இரண்டும் சரி, ஆனால் காரணம் கூற்றுக்கு சரியான விளக்கம் அல்ல.
3. கூற்று: மரக்கட்டையை எரித்து கரியாக்குதல் ஒரு இயற்பியல் மாற்றமாகும்.
காரணம்: ஒரு மரக்கட்டை துண்டினை எரிப்பதால் கிடைக்கும் விளைபொருள்களை எளிதாக மீண்டும் மரக்கட்டையாக மாற்ற முடியும்.
அ. கூற்று மற்றும் காரணம் இரண்டும் சரி மேலும் காரணம் கூற்றுக்கு சரியான விளக்கமாகும்.
ஆ. கூற்று மற்றும் காரணம் இரண்டும் சரி, ஆனால் காரணம் கூற்றுக்கு சரியான விளக்கம் அல்ல.
இ. கூற்று சரி, ஆனால் காரணம் தவறு
ஈ. கூற்று தவறு, ஆனால் காரணம் சரி.
விடை: கூற்று மற்றும் காரணம் இரண்டும் தவறு
4.கூற்று: இரும்பிலிருந்து இரும்பு ஆக்ஸைடு உருவாவது ஒரு வேதியியல் மாற்றமாகும்.
காரணம்: இரும்பிலிருந்து துரு உருவாக, அது காற்று மற்றும் நீருடன் வினை பட வேண்டும்.
அ. கூற்று மற்றும் காரணம் சரி மேலும் காரணம் கூற்றுக்கு சரியான விளக்கமாகும்.
ஆ. கூற்று மற்றும் காரணம் இரண்டும் சரி ஆனால் காரணம் கூற்றுக்கு சரியான விளக்கம் அல்ல.
இ. கூற்று சரி ஆனால் காரணம் தவறு
ஈ. கூற்று தவறு அனால் காரணம் சரி.
விடை: அ. கூற்று மற்றும் காரணம் சரி மேலும் காரணம் கூற்றுக்கு சரியான விளக்கமாகும்.
5. கூற்று: ஒரு துளி பெட்ரோலினை விரலால் தொட்டால் குளிச்சியான உணர்வு ஏற்படுகிறது.
காரணம்: மேற்கூறிய நிகழ்வு வெப்பம் கொள்மாற்றமாகும்.
அ. கூற்று மற்றும் காரணம் சரி மேலும் காரணம் கூற்றுக்கு சரியான விளக்கமாகும்.
ஆ. கூற்று மற்றும் காரணம் இரண்டும் சரி ஆனால் காரணம் கூற்றுக்கு சரியான விளக்கம் அல்ல.
இ. கூற்று சரி, ஆனால் காரணம் தவறு
ஈ. கூற்று தவறு, ஆனால் காரணம் சரி.
விடை: அ. கூற்று மற்றும் காரணம் சரி மேலும் காரணம் கூற்றுக்கு சரியான விளக்கமாகும்.
XII. படம் சார்ந்த வினா
1. படத்தினை உற்றுநோக்கி இதனுடன் தொடர்புடைய மாற்றங்களைப் பட்டியலிடவும
அ. இயற்பியல் மாற்றம்
ஆ. வேதியியல் மாற்றம்
இ. வெப்ப உமிழ் மாற்றம்
2. படத்தில் காணும் கெட்டிலில் உப்பு நீர் இருப்பதாகக் கொண்டு பின்வரும் வினாக்களுக்கு விடையளிக்கவும்.
அ. கெட்டிலில் நடைபெறும் நிகழ்வின் பெயர் என்ன?
விடை: கொதித்தல்
ஆ. கெட்டிலில் உள்ள திரவம் என்னவாகும்.
விடை: நீர், நீராவியாக மாற்றமடையும்
இ. உலோகத் தட்டின் குளிர்ந்த பகுதியில் நிகழக்கூடிய மாற்றம் என்ன?
விடை: ஆவி சுருங்குதல்
ஈ. முகவையில் சேகரிக்கப்படும் நீரின் தரம் பற்றி நீவிர் அறிவது என்ன?
விடை: தூய வாலைவடி நீர், கலப்புகளற்ற தூய நீர் ஆகும்.
