Posts
வகுப்பு 7 ப2 பா4 செல் உயிரியல்
அலகு 4
செல் உயிரியல்
மதிப்பீடு
I. சரியான விடையைத் தேர்ந்தெடுக்கவும்
1. உயிரினங்களின் அடிப்படையாக உள்ளது __________
அ) செல்
ஆ) புரோட்டோப் பிளாசம்
இ) செல்லுலோஸ்
ஈ) உட்கரு
விடை: அ) செல்
2. நான் ஒரு விலங்குசெல்லின் வெளிப்புற அடுக்கு. நான் யார்?
அ) செல் சுவர்
ஆ) உட்கரு
இ) செல் சவ்வு
ஈ) உட்கரு சவ்வு
விடை: இ) செல் சவ்வு
3. செல்லின் மூளையாகச் செயல்படும் செல்லின் பாகம் எது?
அ) லைசோசோம்
ஆ) ரைபோசோம்
இ) மைட்டோகாண்ட்ரியா
ஈ) உட்கரு
விடை: ஈ) உட்கரு
4. __________செல் பகுப்பிற்கு உதவுகிறது.
அ) எண்டோபிளாஸ்மிக் வளை
ஆ) கோல்கை உறுப்புகள்
இ) சென்ட்ரியோல்
ஈ) உட்கரு
விடை: இ) சென்ட்ரியோல்
5. செல்லின் பல்வேறு உறுப்புகளுக்குப் பொருத்தமான அறிவியல் சொல் _______
அ) திசு
ஆ) உட்கரு
இ) செல்
ஈ) செல் நுண்உறுப்பு
விடை: ஈ) செல் நுண்உறுப்பு
II கோடிட்ட இடங்களை நிரப்புக
1. செல்லில் உள்ள ஜெல்லி போன்ற பொருள் ____________என்று அழைக்கப்படுகிறது.
விடை: சைட்டோபிளாசம்
2. நான் தாவரத்தில் சூரிய ஆற்றலை உணவாக மாற்றுவேன். நான் யார்?____________.
விடை: பசுங்கணிகம்
3.முதிர்ந்த இரத்தச் சிவப்பு செல்லில் ____________ இல்லை
விடை: உட்கரு
4. ஒரு செல் உயிரினங்களை ____________ மூலமே காண இயலும்.
விடை: நுண்ணொக்கி
5. சைட்டோபிளாசம் + உட்கரு =__________
விடை: புரோட்டோபிளாசம்
III. சரியா அல்லது தவறா எனக்கூறு - தவறானவற்றிற்கு சரியான பதிலைக்
கொடுக்கவும்
1. விலங்கு செல்களில் செல் சுவர் உள்ளது.
விடை: தவறு.
தாவர செல்களில் செல் சுவர் உள்ளது.
2. சால்மோனெல்லா என்பது ஒரு செல்லால் ஆன பாக்டீரியா ஆகும்.
விடை: சரி
3. செல் சவ்வு அனைத்தையும் ஊடுருவ அனுமதிக்கக்கூடியது.
விடை: தவறு.
செல் சவ்வு தேர்ந்தெடுக்கப்பட்ட பொருட்களை மட்டுமே ஊடுருவ அனுமதிக்கக்கூடியது.
4. தாவர செல்களில் மட்டுமே பசுங்கணிகங்கள் உள்ளன.
விடை: சரி
5. மனித வயிறு ஒரு உறுப்பாகும்.
விடை: சரி
6. ரைபோசோம் ஒரு சவ்வுடன் கொண்ட சிறிய நுண் உறுப்பு ஆகும்.
விடை: தவறு
ரைபோசோம் ஒரு சிறிய நுண் உறுப்பு ஆனால் சவ்வு கிடையாது.
IV. பொருத்துக
V. ஒப்புமை
1. பாக்டீரியா: நுண்ணுயிரி:: மா மரம்: உயிரினம்
2.அடிப்போஸ்: திசு: கண்: உறுப்பு
3. செல் சுவர் : தாவரம் : : சென்ட்ரியோல்: விலங்கு செல்
4. பசுங்கணிகம்: ஒளிச்சேர்க்கை : : மைட்டோகாண்ட்ரியா: காற்றுச்சுவாசம்(ஆற்றல் மையம்)
VI. பின்வருவதில் இருந்து சரியான மாற்றியத்தைத் தேர்வு செய்யவும்
1. வலியுறுத்தல் (A): திசு என்பது மாறுபட்ட செல்களைக் கொண்ட ஒரு குழு.
காரணம் (R) : தசைத் திசு தசை செல்களால் ஆனது
அ). A மற்றும் R இரண்டும் சரியானவை
ஆ). A மற்றும் R ஆகிய இரண்டும் தவறானவை
இ). A சரி ஆனால் R தவறானது.
ஈ). A தவறு ஆனால் R சரியானது.
விடை: அ). A மற்றும் R இரண்டும் சரியானவை
2. வலியுறுத்தல் (A): பெரும்பான்மை செல்களை நேரடியாக வெறும் கண் கொண்டு பார்க்க முடியாது ஏனெனில்.
காரணம் (R): செல்கள் மிக நுண்ணியது.
அ). A மற்றும் R இரண்டும் சரியானவை
ஆ). A மற்றும் R ஆகிய இரண்டும் தவறானவை
இ). A சரி ஆனால் R தவறானது.
ஈ). A தவறு ஆனால் R சரியானது.
விடை: அ). A மற்றும் R இரண்டும் சரியானவை
VII. மிகச் சிறிய விடையளி
1. தாவர செல்லில் செல் சுவரின் பணிகள் யாவை?
தாவர செல்லைச்சுற்றியுள்ள செல் சுவரானது செல்லைப் பாதுகாக்கவும், அதன் வடிவத்தை நிலைப்படுத்தவும் செய்கிறது.
2. சூரியனின் ஒளி ஆற்றலைப் பயன்படுத்தி ஸ்டார்ச் தயாரிக்கும் நுண் உறுப்பு எது?
பசுமை நிறமுடைய பசுங்கணிகமானது சூரியனின் ஒளி ஆற்றலைப் பயன்படுத்தி, ஒளிச்சேர்க்கை மூலம் ஸ்டார்ச்சை உற்பத்தி செய்கிறது.
3. உட்கருவில் உள்ள முக்கிய பொருள்கள் யாவை?
உட்கரு உறை, நியூக்ளியோலஸ், குரோமேட்டின் உடல் போன்றவை உட்கருவில் உள்ள முக்கிய பொருள்கள் ஆகும்.
4. செல் சவ்வு என்ன செய்கிறது?
விலங்கு செல்லினைச் சுற்றி எல்லையாகவும், பாதுகாப்பாகவும் இருப்பது செல் சவ்வு, இது பிளாஸ்மா சவ்வு எனவும் அழைக்கப்படுகிறது.
5. லைசோஸோம், செல்களின் துப்புரவாளர்கள் என ஏன் அழைக்கப்படுகிறது?
லைசோஸோம் செல்களின் முதன்மையான செரிமானப் பகுதி ஆகும். சிதிலமடைந்த செல்களை இவை செரிமானம் செய்வதால் லைசோஸோம்கள் செல்களின் துப்புரவாளர்கள் என்றழைக்கப்படுகின்றன.
6. "ஒரு வைரஸ் ஒரு உயிரினம் அல்ல" என ஆசிரியர் கூறினார். நீங்கள் அவரது கூற்றினை ஏற்றுக் கொள்கிறீர்களா? இல்லையா? ஏன் என விளக்குக.
அவரது கூற்றினை ஏற்றுக் கொள்கிறேன்.
ஏனென்றால், வைரஸ் விருந்தோம்பி செல்லின் உள்ளே உயிருள்ள பண்புகளையும், விருந்தோம்பி செல்லின் வெளியே உயிரற்ற பண்புகளையும் வெளிப்படுத்துகின்றன. எனவே, வைரஸ் உயிருள்ள மற்றும் உயிரற்றவற்றின் எல்லைக்கோடு எனப்படும்.
VIII. குறுகிய விடையளி
1. செல் நமக்கு ஏன் மிக முக்கியம்?
உயிரினங்களின் அடிப்படை அமைப்பு மற்றும் செயல் அலகு செல் ஆகும்.
பல செல்கள் ஒன்றாகச் சேர்ந்து திசுவையும், வெவ்வேறு திசுக்கள் ஒன்றாகச் சேர்ந்து உறுப்பையும், வெவ்வேறு உறுப்புக்கள் ஒன்றாகச் சேர்ந்து உறுப்பு மண்டலத்தையும் உருவாக்குகிறது. உறுப்பு மண்டலங்கள் உயிரினத்தின் பல்வேறு பணிகளை மேற்கொள்கிறது.
எனவே செல் நமக்கு மிகவும் அவசியாமான ஒன்றாகும்.
2. பின்வரும் ஜோடிகளுக்கு இடையே உள்ள வேறுபாடு தருக.
I) சொரசொரப்பான எண்டோபிளாச வலைப்பின்னல் மற்றும் மென்மையான எண்டோபிளாச வலைப்பின்னல்.
II) செல் சுவர் மற்றும் செல் சவ்வு.
III) பசுங்கணிகம், மைட்டோகாண்ட்ரியா.
3. செல்லிருந்து உயிரினம் வரையிலான வரிசையை சரியாக எழுது?
4.உட்கரு பற்றி சிறு குறிப்பு எழுதுக.
உட்கரு செல்லின் மூளையாகச் செயல்படுகிறது.
தாவர மற்றும் விலங்கு செல்களில், சைட்டோபிளாசத்திற்கு உள்ளே உட்கரு உள்ளது.
உட்கரு உறை உட்கருவைச் சூழ்ந்துள்ளது. ஒன்று அல்லது இரண்டு நியூக்ளியோலஸ் மற்றும் குரோமேட்டின் உடல் ஆகியவை உட்கருவின் உள்ளே உள்ளன.
செல்பிரிதலின் போது, குரோமேட்டின் உடலானது குரோமோசோமாக மாற்றமடைகிறது.
பணிகள்
™ உட்கரு. செல்லில் நடைபெறும் அனைத்து உயிர் செயல்களையும் வேதிவினைகளையும் கட்டுப்படுத்துகின்றன.
™ ஒரு தலைமுறையிலிருந்து, அடுத்த தலைமுறைக்கு மரபுவழி பண்புகளைக் கடத்துதல்.
5. பின்வரும் அட்டவணையில் செல்கள், திசுக்கள், உறுப்புக்கள் என வகைப்படுத்தவும்.
நரம்பு செல், நுரையீரல்.சைலம், மூளை,
கொழுப்புத் திசு, இலை, சிவப்பனு, வெள்ளையனு செல்கள் கை, தசை, இதயம், முட்டை, செதில், புளோயம், குருத்தெலும்பு.
6. கீழே உள்ள வரிகளில், இந்த பாடத்தில் நீங்கள் கற்றவற்றைப் பற்றி எழுதுங்கள் செல்களைப் பற்றி நான் கற்றுக்கொண்ட முக்கியமான சில விஷயங்களைப் பற்றி நான் உங்களிடம் கூற விரும்புகிறேன். முதலில்,
நான் தொடங்குகிறேன் …
நமது உடல் பல செல்களால் ஆனது.
உயிரினத்தின் அடிப்படை செயல் அலகு செல் ஆகும்.
ஒவ்வொரு செல் நுண்ணுறுப்பும் ஒவ்வொரு பணியைச் செய்கின்றன.
பல செல்கள் ஒன்றாகச் சேர்ந்து திசுவை உருவாக்கி, வெவ்வேறு திசுக்கள் ஒன்றாகச் சேர்ந்து உறுப்பை உருவாக்கி, வெவ்வேறு உறுப்புக்கள் ஒன்றாகச் சேர்ந்து உறுப்பு மண்டலத்தை உருவாக்கி, உறுப்பு மண்டலம் உயிரினத்தின் பல்வேறு பணிகளை மேற்கொள்கிறது.
செல்சுவர்- செல்லைச்சுற்றியுள்ள ஒரு சுவர்
பசுங்கணிகம்- பசுமை நிறமுடைய கணிகங்கள் நிறைந்தது.
சென்ட்ரியோல்- செல்பகுப்பின் போது ஸ்பிண்டில் நார்களைப் பெருக்கமடையச் செய்கிறது.
உட்கரு- செல்லின் கட்டுப்பாட்டு மையம்.
ரிபோசோம்கள்- ரிபோசோம்கள் ஆர். என்.ஏ வைப் பெற்றுள்ளது.
மைட்டோகாண்ட்ரியா-செல்லில் சக்தியை வழங்குவதற்கு உதவுகிறது.
IX. விரிவான விடையளி
1. ஏதேனும் மூன்று நுண்உறுப்புகளைப் பற்றி விவரிக்கவும்.
சென்ட்ரியோல் (Centrioles)
சென்ட்ரியோல் பொதுவாக உட்கருவுக்கு அருகில் காணப்படுகின்றன. குழாய் போன்ற அமைப்புகளால் ஆனவை. இவை விலங்கு செல்களில் மட்டுமே உள்ளன மற்றும் தாவர செல்களில் காணப்படவில்லை. செல் பகுப்பின் போது குரோமோசோம்களைப் பிரிக்க உதவுகிறது.
லைசோசோம் - தற்கொலைப்பை
லைசோசோம் நுண்ணோக்கியால் மட்டுமே பார்க்கக்கூடிய மிகவும் சிறிய அமைப்பாகும் இவை செல்லின் முதன்மையான செரிமான பகுதி ஆகும். இவை செல்லிலேயே சிதைவடைவதால் இவற்றை "தற்கொலைப்பை" என்று அழைக்கிறோம்.
கோல்கை உறுப்புகள்
கோல்கை உறுப்புகளுக்கு இடைவெளி தேவை. சவ்வால் சூழப்பட்ட பைகள் ஒன்றன் மேல் ஒன்று அடுக்கி வைக்கப்பட்டு, சுரப்பி குழல்களுடன் அமைந்துள்ள அமைப்பு கோல்கை உறுப்புகள் என அழைக்கப்படுகின்றன. கோல்கை உறுப்புகள் நொதிகளைச் சுரப்பது. உணவு செரிமானம் அடையச் செய்வது. உணவிலிருந்து புரதத்தை பிரித்து செல்லுக்கும், உடலுக்கும் வலு சேர்ப்பது போன்ற பணிகளில் ஈடுபடுகின்றன.
2. தாவர செல் மற்றும் விலங்கு செல்களை ஒப்பிட்டு கீழே உள்ளவற்றை நிறைவு செய்யுங்கள்.
X. உயர் சிந்தனை வினாக்கள்
1. வைரஸ் செல்லற்றவை என்று அழைக்கப்படுகிறது. ஏன்?
வைரஸ் செல்லற்றவை, ஏனென்றால் வைரஸ்ஸிற்கு செல் கட்டமைப்பு இல்லை.
வைரஸில், செல் நுண்ணுறுப்புகள், ரைபோசோம்கள், சைட்டோபிளாசம் போன்றவை காணப்படுவதில்லை.
வைரஸ், நியூக்ளிக் அமிலம் மற்றும் புரதம் ஆகியவற்றால் ஆனது.
எனவே, வைரஸ், செல்லற்றவை என்றழைக்கப்படுகிறது.
